NAG-UNA ang San Isidro sa 26 ka barangay sa GenSan sa nakatala og labing daghan kaso sa Covid-19, base sa rekord sa health office. Matud ni Dr Rochelle Oco, local IATF incident commander nga sa San Isidro anaa sa 153 ang kaso, gisundan sa Lagao, City Heights, Labangal, Bula, Mabuhay, Calumpang, Buayan, Fatima og Dadiangas East.
Ang katibuk-ang kaso sa 10 ka mga barangay ang milangkob sa 85%sa active cases sa dakbayan sa miaging Biyernes nga anaa sa 656. Dugang ni Oco nbisag daghan ang natakdan karon sa COVID 19 apan kasagaran kanila ang mild og asymptomatic ang gibati.
Nagpasabot nga epektibo ang COVID 19 vaccine aron nga dili magrabehan kung matakdan sa virus. Apila niini sa publiko nga kung may sintomas sa COVID 19 mag-isolate aron nga dili makatakod sa uban ilabi pa sa mga wala nabakunahan.
Samtang nagpadayon ang gihimong regional 3- day vaccination program sugod gahapon hangtud sa Enero 26 alang sa wala na nabakunahan batok Covid-19. I Richel Gubalani
