Hinikayat ng Philippine Amusement and Gaming Corporation o PAGCOR ang publiko na lumapit sa kanilang opisina kung sakali mang nalulong na sa pag-talpak sa online sabong ang kanilang kapamilya.
Sa pulong balitaan, sinabi ni PAGCOR Chair and CEO Andrea Domingo na mayroon silang kapangyarihang mag-ban ng mga bettors na na-adik na sa e-sabong.
Ito ang sinabi ni Domingo matapos ang mga ulat na ‘di umano’y mayroon nang mga pamilyang naapektuhan, mga nalulubog sa utang, at mga nagbebenta o nagsasangla na ng mga ari-arian makapag cash-in lamang sa online betting na ito.
Wika nito, aktibo ang PAGCOR sa pag-baban sa mga e-sabong bettors – at sa oras na mapasama ka sa listahan ng mga bawal maka-talpak, bawal ka na ring makapasok sa mga casino.
