Inihayag ni Socioeconomic Planning Secretary Karl Chua na ang pagbabalik ng face-to-face learning, matapos na luwagan na ang restriction sa Metro Manila at iba pang lugar sa bansa, ay inaasahang pipigil na malugi ng trillions of pesos na productivity.
Ayon kay Chua, nalugi ang bansa ng nasa P22 trillion sa nakalipas na dalawang taon na walang physical classes o P11 trillion kada taon.
Dahil dito, kailangan umano itong mabawi para hindi maaapektuhan ang kinabukasan ng mga bata.
Dagdag ng NEDA chief na ang pagresume ng face-to-face classes ay magpapaganda sa learning outcomes ng 50%, bilang ito ay nananatiling mas epektibo kumpara sa online classes.
