Inihayag ng National Capital Region Police Office (NCRPO), na narescue ang isang Malaysian at apat na Chinese mula sa kanilang mga kidnappers.
Ayon sa NCRPO, nagawang marescue ng Regional Special Operations Group (RSOG) ang mga foreign nationals mula sa kanilang abductors sa isang residential area sa bahagi ng A. Mabini Street sa Barangay Addition Hills, Mandaluyong City.
Ginawa ng RSOG operatives ang rescue operation, matapos magreport ang mga kaibigan ng mga biktima sa mga otoridad na dinukot ang mga foreign nationals at ilegal na ikinulong.
Hindi naman malinaw kung bakit dinukot ang mga ito, habang nagpapatuloy ang ginagawang imbestigasyon. //MHEL PACIA-TRINIDAD
