GILAUMAN ni Public market administrator Lito Esclamado ang pagdagsa sa mga tawo sulod sa palengke sa umaabot nga pagsaulog sa kapaskuhan.
Kasagaran ang moadto sa merkado mopalit na daan sa ilang ihanda sa pasko ug bag-ong tuig. Daghan na usab ang mga tindahan nga nagbaligya og klase-klaseng pagkaon ug prutas nga sagad ginahanda sa pasko.
Anaay nagabaligya og mga pamputos sa regalo, mga parol ug uban pa. Gisiguru usab sa opisyal nga han-ay ang tanang tindahan, ug limpyo ang palibot alang sa mga market-goers.
Matud niini, sa karon gamay pa ang mga tawo nga nagasulod sa palengke. Apan gisiguru ni Esclamado nga hinlo ang tanang agianan, ug walay mga sakyanan nga mo-parking aron dili mahimong guot ang dalan.
Nagmando ang opisyal alang sa tanang moadto sa merkado nga magsoot gihapon og facemask ug magdala og QR code alayon sa pagsunod sa minimum health protocol sa syudad. I Enamie Mogpon
