Magbibigay ang Slovakia ng cash para sa mga indibidwal na higit 60-anyos kapalit ng kanilang pagpapabakuna kontra COVID-19 at pati na rin sa mga kukuha ng booster shot.
Layon ng Slovakia na mapataas ang inoculation rates nito na napag-iiwanan na sa buong European Union.
Sa Slovakia ay makakatanggap ng 300 euros (P17,000) ang mga indibidwal na kukuha ng booster shots habang ang mga higit-60 anyos naman na magpapaturok ay mabibigyan ng 200 euros (P11,375).
Dati nang kinonsidera ng Parliament ang pagbibigay ng vouchers para sa mga hotels o restaurants bago ito napalitan sa payouts.
Una na rin nag-alok ang Switzerland noong Oktubre sa mga mamamayan nito na makakakumbinsi sa kanilang mga kakilala na magpabakuna kontra COVID-19 ng incentives tulad ng libreng sine o pagkain sa restaurants.
