Gipasakahan na og kasong murder ang usa ka construction worker nga mitigbas patay sa kauban niini niadtong Desyembre 6, 2021 sa Barangay 19-B, Davao City.
Ang suspek giila nga si Allan Regalado Rallos, 39 anyos, residente sa Panacan, Davao City samtang ang biktima giila nga si Reginald James Tabudlong, 29 anyos.
Nasayran nga nga lango sa ilimnong makahubog ang suspek human nga gikumprompta niini ang bitima, ug sa dihang napungot na ang suspek tungod sa kasuko mikuha kini og tubo aron pusposan apan nakalipay kini, tungod sa kabanga sa suspek mikuha na sab kini og sundang og gitigbas sa liog nga bahin ang biktima nga miresulta saiyang hinanaling kamatayon.
Nakakustodiya na ang suspek sa San Pedro Police Station ug nag-atubang na og silot nga gipasaka batok kaniya.
