Mupasaka og kaso ang mga ginikanan sa duha ka kanhi myembro sa New People’s Army (NPA) nga mga menor de edad ngadto sa mga armadong grupong miawhag o mi-recruit sailang anak nga makighiusa saila.
Kahinumdoman nga una ng misurender sa sabakan sa balaod si Alyas Joy didto sa San Miguel, Surigao del Sur kaniadtong Disyembre 3 samtang kinaugma-an misurender sab si Alyas Je-ann nga dala ang AK47.
Midangop matud pa ang ginikanan sa EastMinCom kauban ang ilang mga anak aron mupasaka og kaso batok sa armadong grupo tungod sa pagsupak sa Republic Act 9851 o ang Philippine Act on Crimes Against International Humanitarian Law, Genocide, and Other Crimes Against Humanity.
Hinuon, misa-ad si Almerol nga tabangan ang mga ginikanan sa pagpasaka og kaso sa mga tawong mipaluyo sa maong recruitment sa NPA aron maangkon ang hustisya.
Sumala sa mga misurender, nasinatian nila ang kalisod ug kapait sa kinabuhi hinungdan nga naka huna-huna kini nga mubalik sa sabakan sa gobyerno aron mahuman na ilang suliran ug subling makauban ang ilang pamilya.
