Kasong pagsupak sa Republic Act 9165 o Comprehensive Dangerous Drugs Act of 2002 ang atubangon sa usa ka sekyu human nga nasikop kini atol sa gikasang drug buy bust operation sa Digos Police Station sa Purok Acacia, Brgy San Jose, Digos City.
Ang suspek giila nga si Elecio Halohoy, 32 anyos, ug residente sa Purok Tangigue, Brgy. Dawis , Digos City.
Nasikop ang suspek human nga napalitan kini sa poseur buyer og usa ka pakete sa gituohang shabu samtang nakumpiska sab ang upat pa kapakete sa druga.
Gibana-banaang mutimbang sa 0.51grams ang nasakmit nga illegal nga druga nga mubalor og P7,650.00.
Nakakustodiya na sa Digos Police Station ang suspek ug nag atubang na og tukmang kaso.
