Naranasan ng Shiga Lakestars ang ika-walo nitong sunod na talo matapos ang kanilang laro laban sa Sunrockers Shibuya sa Japan B.League na nagtapos sa 95-82.
Ginanap ang laro sa home court ng Shibuya sa Sumida City Gymnasium.
Naging malakas ang simula ng Lakestars sa unang bahagi ng laro salamat sa six out of seven three-pointers na naipasok ni Tomomasa Ozawa.
Tumabla ang laro sa 56-all sa third quarter, matapos umiskor ni Ozawa mula sa assist ng Pinoy na si Kiefer Ravena.
Gayunman, ay nakuha pa rin ng Shibuya ang buong kontrol sa laro dahil sa 17-4 play ng dating NBA player na si James McAdoo.
Tumaas ang record ng Sunrockers sa 12-4 habang bumagsak naman ang Shiga sa 6-10.
