NAGAPASALAMAT ang mga biktima sa sunog sa Purok Saeg, Calumpang human nga gibisita ni Senador Bong Go adlaw nga Sabado unya nihatag gayod og daghang hinabang ngadto kanila.
Sumala kay Celsa Sarmiento taga Zone 2, Saeg, Calumpang usa ka balo, ang iyang nasalba lang ang iyang kabataan ug mga dokumento sa iyang mga anak.
Pasiaw ni Celsa tungod sa daghang mga hinabang nagapasalamat siya kay dili na daw niya mahinumdoman kung pila ug unsa tungod sa kadaghan.
Usa sa iyang ginapasalamatan si Sen. Bong Go nga naghatag kanila og kwarta unya aduna pay gi-anunsyo nga pangabuhian.
Labaw na usab nga iyang ginapasalamatan si Brigada Elmer Catulpos nga nagpahibalo kay Go nga adunay nasunogan sa Gensan ug nagkinahanglan og tabang.
Sumala usab kay Rodolfo Garay, 79-anyos, biyudo, mga ID lang niini ang nasalba pinaagi sa iyang apo ug wala nay laing nasalba, tungod sa mga hinabang nagapasalamat siya kay Sen. Bong Go, wala gayod daw sila pasagdahi sa gobyerno, nalipay usab daw siya nga nakita ang action star nga si Philip Salvador.
Sumala usab kay Robelyn Sargolita wala usab silay nasalba sa ilang balay kay anaa kini sa Zone 1, Saeg ug didto nagsugod ang kalayo.
Tungod sa mga hinabang nga gihatag ni Sen. Bong Go nagapasalamat si Sargolita, nagapasalmat usab kini kay Brigada Elmer Catulpos nga nagtulay aron mahatdan sila og tabang gikan sa nasyunal nga opisyal ug mga ahensya sa gobyerno.
Nagapasalamat usab si Loida Estapia kay Brigada Elmer Catulpos kay human sila nakadawat og tabang sa pagbisita ni Sen. Bong Go pagka- adlaw nga Dominggo laing hinabang ang ilang nadawat sama sa mga balde ug palangana gikan sa mga tawong nakadungog sa panawagan sa Brigada nga kinahanglanon gayod nila samtang anaa sa evacuation area, ang sunod nalang daw nila nga problemahon mao ang pagpatukod balik sa ilang panimalay. ( Ver Diazon)
