MISAKA na sa halos 30% ang fully immunized batok Covid-19 sa GenSan samtang naa sa 37.56% sa 459,732 ang nakakuha og unang dose. Asa mokabat na usab sa 309,022 ang na-administer sa nagkadaiyang brand sa bakuna sa dakbayan. Apan wala gihapon makab-ot ang 4,000 average daily jab rate luyo sa pagmuntar na og mga mass vaccination site.
Una nang, gibutyag ni Dr. April Mae Maquilang, immunization coordinator sa City Health Office (CHO). Gawas sa kahadlok sa kadaghanan partikular na sa mga senior citizen sa pagpabakuna daghan ang namili sa brand sa bakuna nga maturok.
Kini ang usa sa rason sa ubos nga vaccination rate dakbayan luyo sa paigong supply sa bakuna. Padayon panawagan nila sa publiko nga magpabakuna na aron mahatagan og proteksyon ang lawas batok sa virus. Sa datus sa CHO, miubos ang ihap sa kaso sa moderate, severe ug critical cases sa ospital tungod sa padayong vaccination rollout.
Samtang, giplano na sa siyudad ang house to house nga pagbakuna partikular adtoan ang mga panimalay nga dili makalakaw ang miyembro sa pamilya. ( Richel Gubalani)
