DILI matukib ang kalipay ni Tatay Armando nga na-mild strole ug dili na makalakaw lakaw, sa gihatag nga wheelchair kaniya sa KaBrigadahan GenSan.
Ang asawa niini nga si Nanay Celia Fernandez ang nagpadangat sa maong hangyo nga mahatagan og wheelchair ang bana aron nga makagawas gawas man lang kini sa ilang balay.
Tuod man gidungog ang ilang hangyo ug mismo si Brigada Elmer V.Catulpos ang mihatod sa wheelchair ug gilayung gipalingkod si Tatay Armando nga makita sa iyang mga mata ang kalipay.
Ang nahisgutang wheelchair gikan sa donasyon sa mga miyembro sa KaBrigadahan Gensan nga gibansagan nga bayani ni Catulpos tungod sa ilang walay puas nga pagtabang sa ilang isigkatawo. Kahibaluan nga daghan na usab nga mga miyembro sa KaBrigadahan GenSan ang natabangan sa mga kaubang miyembro sa natigom nga singko singko.
