GITAKTAK na sa pwesto ang hepe sa usa ka presinto sa kapulisan sa GenSan dungan sa gikaengong pagpanghurab ug pagpanakit sa iyang mga sakop Dominggo sa kadlawon.
Matud ni PCol. Gilberto Tuzon, director sa General Santos City Police Office (GSCPO) sa gipadalang mensahe niini ang pagtaktak kang PCapt. Nemecio Calipjo, hepe sa Tinagacan Police Station ang aron hatagan og dalan ang imbestigasyon.
Kalabut sa reklamo batok kang Calipjo sa iyang upat ka sakop nga pagpanghurab ug pagpanakit samtang kini ang naa sa impluwensiya sa ilimnong makahubog. Sa pamahayag sa usa sa pulis nga gisagpa, gihurab nga patyon ug gisumbag sumala pa ni Calipjo.
Kalit miabot ang hepe alas-1:30 sa kadlawon sa presinto nasuko ug gipalinya sila ug didto na nahitabo ang insidente. Bitbit sumala pa ni Calipjo atong panahona ang iyang M16, milabay ang usa ka oras nga pagpanghurab, gikanaog niini ang armas.
Didto na matud pa mibuto ang M16 ug maayo na lang walay bisan usa kanila ang naigo sa pagbuto sa armas. Kapila kahigayong gitawagan sa tigbalita ang duha ka numero sa telepono ni Calipjo apan dili kini makontak.
Una nang, gibutyag ni PLt. Clarizel Perez, tigpamaba sa GSCPO nga giimbestigahan na ang insidente. Gisiguro usab nga mahimong ‘patas’ ang imbestigasyon ug dili –etolerate sumala ang dili maayong binuhatan. (Richel Gubalani)
