MIANAM na og kagamay ang kaso sa COVID-19 sa region-12 samtang midaghan ang nagmaayo sa maong sakit.
Mikabat sa 279 ang new recoveries hinungdan anaa na sa kinatibuk-ang 52,178 ang nakarekober sa maong sakit sa rehiyon.
Sa bag-ong nakarekober, ang South Cotabato adunay160, GenSan- 54
North Cotabato-39, Sultan Kudarat-15 ug Sarangani Province-11.
Samtang mikabat sa 61 ang bag-ong kaso sa COVID-19 sa region-12 hinungdan anaa na sa 55,698 ang total cases.
Sa bag-ong nagpositibo, ang Sarangani Province adunay 21,North Cotabato-19, South Cotabato-15, GenSan- 5 ug Sultan Kudarat-1.
13 usab ang bag-ong namatay sa maong sakit hinungdan anaa na sa 2,062 ang nakabsan sa kinabuhi sa COVID-19 sa region-12.
Kasamtangan mokabat sa 1,446 ang aktibong kaso sa maong sakit, asa ang Sarangani Province adunay 409, North Cotabato-398, South Cotabato-356, GenSan- 240 ug Sultan Kudarat-43.
