Base sa datos it Provincial Health Office (PHO), halin sa 4,742 nga rekord ku una nga daywang dominggo it Setyembre, nagnaba ro COVID-19 infection sa 2,152 o 47%.
Nagnaba man ro average number it mga kaso kada adlaw halin sa 379 kaso ag naging 179 eamang raya ku nagtaliwan nga dominggo.
Base kay Dr. Maria Socorro Colmenares-Quiñon, PHO head, ang pagnaba it mga kaso hay resulta it pagpabakuna sa andang mga residente ag koopersyon sa pagsunod it mga ginapatuman nga mga minimum health protocols.
Base pa sa lokal nga gobyerno, kung padayon ro pangnaba it kaso it COVID-19 infection, maga-apela sanda agud ipanaba man ro quarantine status it probinsya./JIL B. LACSON
