Padayong giawhag ang publiko nga pahimuslan ang nagpadayoang Philippine Identification System (PhilSys) sa CityMall sa Tagum City sa Davao del Norte nga muluntad hangtud lamang sa Sept. 30, 2021.
Kahibaluang nagsugod ang registration sa City Mall Tagum City niadtong Sept. 16 kung asa mamahimo usab nga makaparehistro ang mga naggikan sa ubang lugar basta duna lamang valid identification cards o ubang dokumento.
Subay sa PhilSys, alang ngadto sa mga 5 to 14 years old ang kinahanglan ubanan sa mga ginikanan o guardians bitbit ang birth certificate sa bata atol sa pagparehistro.
Subling gitataw nga libre ang Philippine ID (PhilID) og walay bisan unsang pangayuon bisan sa registration assistance.
Ang Step 1 demographic registration mamahimong himoon online, ug dunay ihatag nga appointment alang sa Step 2 biometrics process alang sa iris scans, fingerprints, ug photographs. Ang Philippine Post maoy mo deliver sa PhilID kalakip ang PhilSys Number. BNFM-DAVAO
