Gimando ni Davao City Mayor Sara Z. Duterte-Carpio ang pagmugna og Alternative Learning Systems (ALS) Unit sa syudad nunot sa giisyu niining Executive Order (EO) No. 46.
Tumong sa pagmuna arontutukan ang ihap sa mga kabataan ug kabatan-onan nga walay ikasarang sa formal basic education lakip kadtong mga school dropouts.
Langkuban ang ALS Unit sa city mayor isip chairperson, Sangguniang Panlungsod chairperson on the Committee of Education isip co-chairperson, Public Schools District Supervisor and Division Alternative Learning System Focal Person nga maoy mobarog isip focal persons.
Lakip sa mamahimong myembro ang Public Employment Service Office (PESO), City Information Technology Center (CITC), Schools Division Superintendent, Department of Education Davao Region (DepEd-11), Association of Barangay Captain (ABC) president; ug Sangguniang Kabataan (SK) president.
Tahas sa ALS Unit ang pagpanday og mga programa, polisiya, ugmga stratehiya alang sa implementasyon sa ALS-EST Program; maoy moandam sa short, medium, ug long term plans sa pagaptuman niini.
Gitumbok usab sa kamanduan nga magsilbi isip pasilidad sa ALS-EST Program ang Davao City Division ALS Community Learning Center samtang ang pondo nga gamiton alang niiniang kuhaon sa available funds sa City Government of Davao.BNFM-DAVAO
