Nagalaom si Governor Eugenio Jose Lacson sang Negros Occidental indi na magbalik ang probinsya sa daan sini nga record nga may masubra sa 2 mil ang active cases sang Covid – 19.
Ang pahayag sang gobernador may kaangtanan sa padayon nga pagsaka sang kaso sang corona virus infections sa sulod na sang masubra Isa ka semana kun sa diin nagbalik sa masubra Isa ka libo ang active cases sa probinsya.
Wala man gintawag sang gobernador nga alarming ang karon nga numero sang kaso apang sandig sa iya dapat mahibalu-an sang tanan nga pumuluyo ang kahimtangan sang probinsya kun Covid -19 ang pagahambalan.
Dugang pa ni Lacson dapat maalarma ang tanan kun wala sang may ginahimo diri ang gobierno kag sa bahin sang publiko nga mag-sunod sa ginapatuman nga health protocols.
