Wala sang ihibalo si Toboso Mayor Richard Jaojoco may kaangtanan sa hinuring-huring nga mangin running mate ni anay Bacolod City Congressman kag Administrator John Orola bilang bise-gobernador sang Negros Occidental sa palaabuton nga May 2022 elections.
Ginpaalinton ni Mayor Jaojoco wala makalab-ot sa iya igtalupangod ang nahanungod sa nasambit nga balita kag wala man ini nila na- estoryahan ni Orola.
Para sa alkalde dako ang respito kag ang pagkilala niya kay Vice-Governor Jeffrey Ferrer nga kaupod niya sa Unega Party kag ang ginasiling nga magapapili siya sa probinsya upod kay Orola nga magadalagan sa pagka-gobernador ang indi matabo.
Iya pa ginduggang bangud nga tapos na ang termino niya bilang alkalde sang Toboso iya ginalantaw nga maggapapili sa pagka-Konsehal sang banwa.
