Magaabot subong nga adlaw Septyembre 10 diri sa syudad sang Bacolod Tokyo Olympics Gold Medalist Hidilyn Diaz.
Ini ang ginkunfirmar ni anay Bacolod City Mayor, Congressman kag Samahang Weightlifting ng Pilipinas president Monico Puentevella.
Si Diaz ang pagahatagan sang pagpasidungog sang Gobyerno Probinsyal sang Negros Occidental upod kay Governor Eugenio Jose “Bong” Lacson.
Suno kay Puentevella iya gin-imbitar si Diaz nga kun mahimo makabisita man sa Bacolod partikularmente sa Kapitolyo upod ang iya sini nga coach kag nobyo nga si Julius Naranjo.
Dugang pa ni Puentevella sa malip-ot nga inadlaw ni Diaz sa ciudad magapatigayon ini sang training sa isa sa mga gym sa Bacolod sa sabado kag domingo magatulak sila balik padulong sa Manila pagkatapos sang ila nga pagbisita sa syudad sang Silay.
