Inanunsyo ng Canadian government na nagdonate sila ng P757 million para tulungan ang education at health-related programs sa Pilipinas.
Ayon sa Canadian embassy, saklaw ng donasyon ang pitong bagong development assistance projects na ipapatupad sa bansa sa susunod na limang taon.
Dagdag ng Canadian Ambassador to the Philippines, Peter MacArthur, nakikiisa ang Canada sa mga Pilipino sa harap ng hindi inaasahang mga hamon na dulot ng COVID-19 pandemic, kabilang na ang negative physical, mental, social at economic effects na nararanasan araw-araw ng mga tao.
Kaugnay nito, suportado rin umano ng naturang bansa ang mga partners sa gobyerno ng Pilipinas, civil society, at multilateral agencies sa pag-roll out ng wide range ng mga programa para mabawasan ang epekto ng pandemya at jump-start sa economic recovery. // MHEL PACIA-TRINIDAD
