ILOILO CITY – Ginkumpirma ni Iloilo City Mayor Jerry Treñas nga may sambilog nga active case it delta variant sa syudad it Iloilo.
Suno sa alkalde, ro nasambit nga kaso hay halin sa Mandurriao nga na-test nga positibo ku July 9 ag nagpabilin nga positibo hasta July 23.
Owa it travel history ro pasyenteng eaeaki ag owa man it closed contact sa anang workplace, pero owa pa nabakunahan it covid-19 vaccine ro pasyente.
Ginabueong eon makarun ro 30yo nga pasyente sa Western Visayas Medical Center (WVMC) matapos makabatyag it influenza-like illness.
Ag bangud raya hay delta variant case, igasaylo segun raya sa sangka separar nga quarantine facility para ma-monitor it mayad. / ANN DESLENE SALAZAR
