Muling tumindig si MANIBELA Chairman Mar Valbuena laban sa pagpapatupad ng Public Utility Vehicle Modernization Program.
Kasunod ito ng kanyang naging paghahain ng certificate of candidacy ngayong araw sa pagka-Senador.
Anya, dahil kase sa maling implementasyon ng PUVMP ay marami ng drayber, operator at mananakay ang nagdurusa rito.
Kasunod nito, kung sakaling palarin siya ay nais umano niyang pagtuunan ng pansin ang pagtugon dito.
Bago ito, sa naging pagtitipun-tipon ng kanilang grupo, una niyang binatikos ang ‘di umano’y pag-reject ng COMELEC sa accreditation ng MANIBELA bilang isang party-list.
