Nilinaw ng Bureau of Immigration (BI) na ang mga kumalat na larawan kasama ang kanilang mga personnel at ni dismissed Bamban mayor Alice Guo, ay hindi raw pala dapat nailabas sa publiko.
Sa isang panayam, sinabi ni BI Fugitive Search Unit chief Rendel Ryan Sy na ang larawan ni Guo sa loob ng isang sasakyan, kasama ang BI at NBI personnel ay ‘for sitrep’ purposes lamang.
Nagulat daw siya nang nag-leak ito, at nag-viral pa sa social media.
Dahil dito, humihingi raw siya ng paumanhin sa publiko.
Maaalalang pinuna ng publiko ang naturang larawan, na lumabas, bago pa ang mga selfie ni Guo kasama sina Sec. Benhur Abalos at PNP chief Gen. Rommel Marbil.
