Dumalo si Pangulong Bongbong Marcos sa huling araw ng Local Governance Summit 2024 kaninang umaga na ginanap sa PICC sa Pasay City.
Sa kanyang talumpati, pinasalamatan nito ang pagdalo ng halos apat na libong mga Local Chief Executives na nagmula pa sa iba’t ibang lugar sa bansa.
Sa kanyang talumpati, sinabi ng Presidente na ang pagdalo nila sa summit ay pagpapakita ng pakikiisa sa isinusulong na agenda ng pamahalaan sa ilalim ng Bagong Pilipinas.
Anya, isang oportunidad ang naturang pagtitipon upang mapagnilayan ng mga LCE ang malaking responsibilidad na naka atang sa kanilang balikat, lalo na sa pag transform sa kanilang komunidad at sa buhay ng kanilang mga nasasakupan.
