Inilantad ni Senador Joel Villanueva sa naging Kapihan sa Senado na napag-alaman nila na marami pang ongoing na kontruksyon sa mga ari-arian ni suspended Bamban, Tarlac Mayor Alice Guo sa Brgy. Patubig, Marilao, Bulacan.
Ito ay sa kabila ng biglaang paglaho ni Guo sa kanyang mga idineklarang address sa ginawang pagsuyod ng awtoridad upang silbihan siya ng arrest order.
Paglilinaw ni Villanueva, ayaw niyang mailagay sa ‘bad light’ ang lokal na pamahalaan ng Bulacan ngunit umaasa siyang batid ng mga ito ang nagiging konstruksyon.
Samantala, hindi naman umano kumbinsido ang senador na hindi alam ng ng mga awtoridad ang kinaroroonan ni Guo.
Kasunod nito, nanawagan siya sa mga ito na paigtingin ang paghahanap sa mga dapat maaresto tulad ni Guo dahil nakakahiya na ang mga pangyayari.
Matatandaan, ayon sa National Bureau of Investigation (NBI), huling nakita si Guo sa Bulacan base sa kanilang mga nakuhang impormasyon.
