Nailikas na ang higit 200 na mga residente sa Lemery, Batangas mula sa malalakas na alon na umabot na sa mga tirahan sa bahagi ng Brgy. Maguihan, Lemery, Batangas dahil sa Bagyong Carina.
Ito ay sa pagtutulungan ng Coast Guard Sub-Station (CGSS) Lemery, Municipal Risk Reduction Management Office (MDRRMO), Municipal Social Welfare and Development (MSWD) ng Lemery, at ng iba pang ahensya.
Batay sa Coast Guard District Southern Tagalog, malalakas na alon na umaabot na sa mga residente ang naidulot ng Hanging Habagat na pinalakas pa ng Bagyong Carina.
Matagumpay na nadala ang mga residente sa Municipal Covered Court ng Lemery, at nabigyan na rin ang mga ito ng tulong at atensyon mula sa MSWD.
