Kritikal ro sangka mangunguma matapos rayang barilon sa likod nga parte it ueo it anang kainuman sa Brgy. Antipolo, Ibajay, Aklan, kabii.
Ginkilaea ro biktima nga si Litary Ilinon Jr., 53yo samtang ro ginaturo nga suspek hay si Guiller Hermosilla Sexiona, 37yo.
Sa interview it Brigada News FM Kalibo kay Brgy. Kagawad Joel Gubaton, isaea sa mga nakasaksi, naga inuman segun ro mga raya ag nabatian nana nga ginaistoryahan ro pagpaubra it karsada.
Gulpi segun nga nagtindog ro suspek nga pag eaum nanda hay maihi eang pero kibot segun sanda nga may nagsinggit ag may eumupok. Owa man segun si Kagawad Gubaton it nasayran nga alitan it suspek ag biktima.
Samtang, boluntaryo eon nga nagsurender ro suspek sa Ibajay PNP ag ro biktima hay gindaea sa Iloilo para sa nagakaigu nga pagbueong. // ANN DESLENE SALAZAR
