Nagtinir og dili lisensyadong armas arun makadepensa sa kaugalingon batok sa kontra, apan nasikop ang usa ka 21-anyos nga grade 12 student kagahapon, pasado alas 11 sa buntag , sa pelaez st. Brgy. Kalubihan, dakbayan sa Sugbo.
Ang dinakpan mao si alyas Alen , 21- anyos , residente sa Logarta St. Sitio Panting ,Brgy. San Roque.
Giangkon sa dinakpan nga gipanag-iya niya ang 38 caliber revolver nga armas nga gipalit pa niya sa kantidad nga 500 pesos gikan sa iyang higala.
Tuyo niini ang pagtinir og armas arun sa pag depensa sa iyang kaugalingon batok sa nakontra niini tungod kay matud pa niyainit ang ilang panaglalis.
Si Alyas Alen nasikop sa mga centralized beat patrollers ug lakip nga nakuha mao ang tulo ka mga buhing bala sa 38 caliber revolver nga armas.
Kasamtangang gikustodiya sa kapolisan sa Carbon Police Station 5 si Alyas Alen samtang mag-atubang kini og kasong kalapasan sa RA 10591 kon Comprehensive Firearms and Ammunition Regulation Act. | Sheila Mae Altubar
