Nadakpan ang nagbinugtong nga suspek sa operasyon nga gipahigayon sa Philippine Drug Enforcement Agency in Central Visayas (PDEA7) kagahapon sa alas 3 sa kadlawn, ngadto sa Sitio sa Laray road, Brgy. Jugan, Consolacion, Cebu.
Ang suspek usa ka High Value Individual sa natad sa illegal nga drugas giila nga si Randy Cabugason o mas naila sa Alyas “Bugtong”, 43-anyos, single ug residente sa Sitio Lawis, Brgy. Pasil, Cebu City, Cebu.
Nakit-an ang mga gituohang illegal nga drugas sulod sa duha niini ka bag.
Gawas sa 300 grams sa suspected Shabu nga adunay SDP mokapin sa dos milyones ka pesos ( Php. 2,040,000.00) nakuha usab gikan kang Bugtong ang 850 ka ampules sa suspected Nubain nga adunay estimated SDP kapin sa dosentos kalibo ka pesos ( Php. 212, 500.)
Kasong kalapasan sa Comprehensive Dangerous Drugs Act of 2002 ang atubangon sa dinakpan. | Alan Tangcawan
