CAMARINES NORTE- Aabot sa kabuuang 300 mangrove propagules ang naitanim noong Biyernes sa karagatang sakop ng Mercedes, Camarines Norte.
Pinangunahan ng 503rd Maritime Command, katuwang ang Mercedes Municipal Police Station, Philippine Coast Guard, Bureau of Fire Protection, Tourism Office at ilang residente ang pagtatanim ng bakawan.
Bahagi ito ng Police Community Relations Month Celebration na may temang Pulisya at Pamayanan, BARANGAYAnihan sa Hamon ng Pandemya at Laban sa Krimen”
Importante ang mga bakawan dahil nagiging breeding ground ito ng mga isda
Nagsisilbi rin itong pananggalang sa malakas na alon at proteksyon laban sa kalamidad at maaari ring pagkuhaan ng kabuhayan ng komunidad.
Ayon sa grupo, habang maaga ay kinakailangang gumawa na ng nararapat na aksyon upang mapangalagaan ang kapaligiran sa pamamagitan ng kahit kaunting “effort” na magbabago sa mundo.
Ang pagtatanim umano ay mayroong layunin at ito pakikinabangan ng higit na nakararami.
(Photo courtesy: PNP Maritime)
