Maapela makarun nga adlaw si Governor Esteban Contreras nga ipabilin ro quarantine classification it Capiz sa General Community Quarantine (GCQ).
Nasayuran nga sambilog ro Capiz sa mga probinsya sa Region 6 nga ginarekomenda it Inter-Agency Task Force nga ipaidaeum sa modified enhanced community quarantine (MECQ).
Suno sa gobernador, tanan nga datus nagapakita nga naganaba ro kaso it covid-19 sa andang probinsya ngani maapela imaw nga magpabilin sanda sa GCQ.
Dugang pa sa ginaulikdan ni Governor Contreras hay ro epekto it MECQ sa mga negosyo ag sa mga pumueuyo nga posibleng madueaan it trabaho. / ANN DESLENE SALAZAR
