Naagnas na nang matagpuan ang bangkay ng isang 11-anyos na babae sa kakahuyan sa General Trias, Cavite.
Ayon sa pulisya, nakita ng isang residente ang katawan sa kakahuyan habang naghahanap ng mga labong o bamboo shoot.
Hinihinalang ginahasa ang biktima bago pinatay dahil tanging ang underwear na lamang ang suot nito.
Dalawang araw nang napaulat na nawawala ang batang babae.
Ayon sa ama ng bata, noong linggo ng gabi pa huli niyang nakita ang kanyang anak at humingi pa raw ng pera.
Isasailalim sa post mortem examination ang bangkay para makumpirma kung ginahasa ang bata.
