971,681 doses sa COVID-19 vaccine ang naturok na sa region-12

MIKABAT na sa 971,681 doses sa COVID-19 ang naturok na sa region-12, subay sa SOCCSKSARGEN region COVID-19 vaccine statistics as of September 27,2021 alas 8 sa buntag.

Sa maong total doses, mokabat sa 485,634 ang first dose ug 486,047 ang second dose o fully vaccinated.

Sa population priority groups, sa A1 o active frontline healthcare workers, mokabat sa 98,195 ang first dose ug 92,352 ang second dose o fully vaccinated.

Sa A2 o senior citizens, mokabat sa 94,840 ang 1^st dose ug 121,125 ang second dose, sa A3 o persons with comorbidites, anaa na sa 159,349 ang nakadawat og first dose sa bakuna batok COVID-19 ug 230,191 ang fully vaccinated.

Samtang sa A4 o frontliners in essential sectors, mokabat na sa 132,490 ang nahatagan og first dose ug 34,375 ang fully vaccinated ug sa A5 o poor populations, mokabat sa 760 ang first dose ug upat pa lang ang fully vaccinated. Ang SOCCSKSARGEN region gilangkuban sa upat ka probinsya, nga mao ang Cotabato, Sarangani, South Cotabato ug Sultan Kudarat ug upat ka syudad nga mao ang General Santos, Kidapawan, Koronadal ug Tacurong.

BNFM Gensan