NAGHATAG reaksyon ang pangulo sa General Santos City Meat Vendors Multi-Purpose Cooperative kalabot sa One Time Big Time Clearing Operation sa Oktubre 1.
Sa pahayag ni Toto Mosqueda aduna kini mga epekto sa mga laray vendors, kanila nga mga meat vendors ug sa mga driver.
Ang usa daw ka maayong epekto kay mahawan ang kadalanan palibot sa merkado, dili na maglisod ang mamalitay sa pag-agi lakip ang mga sakyanan walay samok sa parking areas, unya mahinlo ang merkado kay mawala ang mga basura gikan sa mga nagalaray nga walay kaugalingon nga basurahan.
Samtang ang epekto usab ngadto kanila nga mga meat vendors mawad an sila og customer, mogamay ang ilang kita kay ang mismo nga mga laray vendors ilaha usab nga customer human sa pagpamaligya.
Ang ginahimo matud pa sa mga nagalaray human maglaray mopalit og bugas, sud-an sama sa karne mao nga sila ang usa sa nakabenipisyo.
Gidugang ni Mosqueda nga patas lang ang ilang panglantaw kay naanad na sila nga adunay nagalaray sa Cagampang ug Casquejo, ang ilaha lang nga dili lang magtapad sa ilang pwesto,ang sugyot ni Mosqueda nga hatagan lang og oras ang nagalaray kay mas daghan ang tawo sa palengke kon may laray kay mas barato.
Mag-provide lang daw og basurahan ang nagalaray aron di magkatag ang basura samtang sa ilang bahin adunay kaugalingong basurahan unya mag gi hire nga tig silhig. ( Ever Diazon)
