Nagpapatuloy ang vaccination roll-out sa lalawigan ng Isabela kung saan umabot na sa 92.1% ng 70% target 2022 population ang nabakunahan na kontra COVID-19.
Ayon sa datos na inilabas ng Isabela Integrated Provincial Health Office ngayong January 24, 2022, umakyat sa kabuuang 1,004, 372 indibidwal ang naturukan na ng kanilang first dose.
Habang nasa 55.2% o 890,694 indibidwal ang nabakunahan na ng 2nd dose.
Nananatili naman sa 88 na porsyento ang naitalang vaccination consumption sa lalawigan.
Mula sa vaccinated per priority group, 100% ang bakunado na sa frontline health services; nasa 92.1% ang vaccinated sa mga senior citizen; 111.5% naman sa mga may comorbidities.
Tumaas din sa 173% ang nabakunahan na sa A4 o mga essential workers habang 73.1% naman ang nasa A5 o remaining workforce at indigent population.
Habang sa pediatric A3 naman ay nasa 5,160 na ang fully vaccinated, 155,188 sa ROPP at 193,785 na ang bakunado sa mga kabilang sa ROAP.
