Mokabat sa kapin 900 ka pamilya nga apektado sa nahitabong cholera outbreak sa Caraga Davao Oriental ang nakadawat og ayuda gikan sa mga buhatan sa gobyerno.
Kini dungan sa pag-apod-apod og cash assistance sa opisina ni Senator Christopher Lawrence “Bong” Go, PLGU-Davao Oriental kagahapong adlawa didto sa Barangay Santiago, Caraga.
Moabot sa 400 pamilya ang inisyal nga nakadawat og P5,000 gikan sa senador nga gipaagi sa Department of Social Welfare and Development, samtang P10,000 ang nadawat sa mga pamilya nga namatayan og myembro tungod sa outbreak.
Gawas sa cash assistance dunay say gihatag nga food packs, bisekleta, computer tablets, ug mga sapatos samtang ang Davao Oriental mihatag bugas ug ubang grocery items.
Sa pikas bahin, gibutyag usab ni Governor Nelson Dayanghirang ang pag-alokar og P20 million alang sa konstruksyon sa Potable Water System sa barangay Santiago.
Kahibaluang as of February 15, gireport sa Provincial Health Office nga moaboty na sa 590 cases sa cholera, pito ang nakabsan samtang duna pay walo ka pasyente ang naka-admit.
