Mokabat sa 89 ka mga kanhing sakop sa rebeldeng New People’s Army kon NPA ang gipangtunulan og tig-P20,000 kada usa isip dugang additional assistance ilawum sa Livelihood Settlement Grant Program saDepartment of Social Welfare and Development.
Ang mga nahistugan ang kanhi napailawum sa Enhanced Comprehensive Local Integration Program (E-CLIP) niadtong 2016-2020.
Mismong si Governor Nelson Dayanghirang ang nagtunol sa ayuda kauban si DSWD Regional Director Raquel Nuñez ug Provincial Social Welfare and Development Office Head Ms. Sarah Gudes nga gipahigayon sa Provincial Capitol Covered Court kagahapon sa buntag.
Gilauman sa ahensya nga makatabang sa mga kanhing rebelde ang maong kantidad ug makaenganyo sa mga nagpabilin pang ulipon sa walhong pakigbisog nga mobalik na usab sa sabakan sa balaud.
Kahibaluang anaa usab sa seremonya ang 701st Deputy Brigade Commander nga si Col. Edgar Delos Reyes hulip kang Col. Oliver Maquiling, ug DILG Provincial Director Orle Cabaobao. BNFM-DAVAO
