Gikumpirma sa lokal nga panggamhanan sa Nabunturan, Davao de Oro pinaagi sa Municipal Agriculturist Office (MAGRO) nga nakatala na og kaso sa African Swine Fever (ASF) ang maong lungsod.
Nunot kini sa gihimong emergency meeting kaganihang buntag sa mga myembro sa ASF Taskforce nga gipanguluhan ni Margarito Libres, Municipal Agriculturist aron tutukan ang ASF infection sa Nabunturan.
Sumala ni Dr. Elsa Villarreiz, Veterinarian II, natala ang kaso sa usa ka baboyan sa Barangay Anislagan, ayha nireport ang tag-iya kaniadtong July 2, 2021 nga nagsakit ug nangamatay ang pipila sa iyang baboy.
Busa, nagpadala kini ug siyam (9) ka sample sa Veterinarian’s Office sa probinsya ug niabot ang resulta sa milabayng Lunes July 5, Lunes, kung asa nagpositibo sa ASF ang tanang sample busa gilayong gibisita ang hog farm.
Ubos sa pagsusi sa mga silingang lugar, adunay 10 ka hog raisers ug anaa sa 45 ka baboy ang nahisulod sa 500 meter radius ug himsog ra matud pa apan hugot gihapong imonitor sa MAGRO.
Lakip sa nasabutan sa pulong ang pagmuntar og control areas aron ma-rehulate ang ang pagsulod ug gawas sa mga baboy ug uban pang hog products nga gilangkuban sa
infected zone, buffer zone, ug surveillance zone.
Takda usab magpagawas og usa ka Executive Order ang munisipyo sa Nabunturan aron makontrol ang pagsaka sa kaso sa ASF dungan sa pag-awhag sa tanang Barangay ASF Taskforce nga hnugtanong ipatman ang mga protocol.BNFM-DAVAO
