Nagaabot sa kapin sa 85 pamilya do nagbakwit bangud sa paggiltak it eogta sa bahin it Brgy. Igmasandig, Valderrama, Antique.
Base sa pahayag it LGU Valderrama, Hunyo 10,2021 kat nakabaton sanda it report halin kay Punong Barangay Erico Zerrudo nga may nabatyagan nga pag-uyog it eogta kung siin sa pagpatigayon it inspeksyon sa palibot hay nakita do giltak sa eogta ngani nga insigidang ginpabakwit do mga tawo.
Angot kara, nagpangayo eon it bulig do LGU sa Mines and Geosciences Bureau ag sa Philippine Institute of Volcanology and Seismology agud nga imbestigahan do sitwasyon sa nasambit nga lugar.
Nagapati man do mga local officials nga do nasambit nga insidente hay tuga it aftershocks sa natabo nga 4.8 magnitude nga linog ku Hunyo 7 kung siin do epicenter kara hay sa Valderrama. // SHERRY ANNE REUNIR-VIDAL
