MAKATO, AKLAN — Patay ro sangka 36 anyos nga eaeaki matapos eabuon it anang kainuman sa Brgy. Tibiawan, Makato, Aklan.
Ginkilaea ro biktimang si Sue Taladro nga nag angkon it maabung nina sa eawas nga naging rasun it anang kamatayun.
Samtang ro suspek hay ginkilaea nga si Arnold ‘alyas Mogong’ Temporaza 30yo.
Sa interview it Brigada News FM Kalibo kay Brgy. Kapitan Henry Olid it nasambit nga lugar, nag agto kana ro nasambit nga suspek para boluntaryong magsurender.
Insigida nga gindaea ni Kapitan Olid sa Makato PNP ro suspek para sa nagakaigu nga disposisyon.
Sa makarun hay nagapadayun eon ro imbestigasyun it Makato Police Station sa motibo it pagpatay ku suspek sa biktima. / ANN DESLENE SALAZAR
