MOKABAT sa 81 ka mga miyembro sa KaBrigadahan GenSan niadtong Sabado pinaagi mismo ni Idol Brigada Elmer Catulpos ug Atty.Kan Balleque.
Lakip sa mga natabangan silang Jonella nga taga Brgy. Mabuhay nga ang ig-agaw nga si Leobert Mantilla ang namatay tungod sa kidney failure.
Nabilin niini ang duha ka menor de edad pa nga anak ngadto sa iyang PWD nga inahan.
Matud ni Jonella nga nalipay sila nga makatabang ug karon sila na usab ang gitabangan hinungdan nagpasalamat og dako sa mga miyembro.
Lakip usab natunolan og tabang silang Remegia Recto, 62-anyos alang sa pagpa-check up sa iyang sakit ingon man silang Karen Mag-aso sa
Christian village, Brgy. Calumpang alang sa hospitalization, nga hugot usab nagpasalalamat ug naga-awhag sa mga katawhan nga magpamiyembro tungod makatabang kini kanila.
Natunolan usab atol sa KaBrigadahan GenSan program silang Orlando Rotoni, asa ang asawa na-stroke ug nalipay usab sa suporta nga nadawat ingon man si Miraluna Suarez nga taga Brgy. Calumpang nga nalipay siya nga makatabang ug nagpasalamat sa Brigada.
Gitawag usab ni Idol Brigada Elmer V. Catulpos ang mga miyembro nga mga bayani tungod kalipay nilang motabang sa ilang isig kaingon.
Gilusad usab ang bag-ong segments sa KaBrigadagan GenSan nga mao ang paghatag pagsaludo sa mga miyembro nga gatabang sa isig ka miyembro ug Bayanihan sa GenSan nga paghatag og tabang sa mga nagkinahanglan og tabang.
