Nakita it mga kapulisan ru may kapin sa lima (5) ka mga basyo it .45 nga baril sa crime scene sa pag baril patay sa sangka 42 anyos nga babaye sa Sitio Looban, Brgy. Camanci Norte, Numancia, Aklan.
Suno sa mga residente, nabati-an ru may kapin sa 5 eopok it baril rason nga nag paeanago pasueod sa andang mga panimaeay ag nag pamatyag.
Chansa it riding in tandem nga pinaeapitan ru biktima samtang nakasakay sa naka park nga pribadong tricycle at naga hueat sa driver nga si Jose Otto Rembulat, 56 anyos, tiyo it biktima.
Nasayuran nga naga pangutana ru driver it presyo’t isda sa sangka negosyante sa lugar rason nga naga hueat ru biktima paadto konta sa gina trabahuhan nga bangko sa Kalibo.
Naka angkon it multiple gunshot wounds sa kaeawasan ru biktima rason it gulpihan nga kamatayon.
Nahimo pa nga daehon sa hospital ru biktima apang uwa eon nahingaw dahil sa patal nga igo it pag baril.
Sa kustodiya eon sa makaron it Numancia Municipal Police Station ru motorsiklo nga gin gamit it riding in tandem ag gin abanduna sa lugar ag sumakay sa puti nga van nga naga hueat may mas o minus 250 metros ru distansya halin sa natabu-an it krimen.
Sa makaron, indi pa matumod it mga kapulisan ru motibo it krimen rason nga padayon pa ru maid-id nga imbistigasyon.//MARIVIC Y. ILIN
