4 NPA patay sa engkwentro sa Bukidnon

Patay ang 4 ka mga gituohang sakop sa New People’s Army sa engkwentro tali sa militar sa Brgy Mabuhay, San Fernando, Bukidnon.

Samtang dunay 2 ka sundalo ang samaron.

Una niini mikasa ang kasundaloan sa 88^th Infantry Battalion Philippine Army og strike operation homan sila nakadawat og impormasyon gikan sa residente nga adunay recruitment ug extortion activities sa ilang komunidad.

Apan sa nahisgutan nga operasyon, ang tropa sa militar naka-engkwentro og kapin kun kulang 20 ka mga miyembro sa Guerilla Front Malayag sa Sub Regional Committee 2 sa North Central Mindanao Regional Committee sulod sa usa ka oras.

Gawas sa 4 ka rebelde nga napatay, dunay 9 pa ka rebelde ang nadakpan lakip ang 12-anyos nga NPA.

Samtang narekober sa encounter site ang 16 ka mga tag-as nga armas, diin sumala pa ni 4^th Infantry Division Philippine Army, Commander Major General Romeo Brawner, lakip niini ang 5 ka AK47 rifle, 7 ka M16 rifles, 1 ka M14 rifles, 2 ka M653 rifles ug 1 ka M203 grenade launcher.

Subay niini mipadayag og pahasubo si General Brawner sa pamilya sa 4 ka NPA nga nakabsan sa kinabuhe.

Sigun pa niini nga ang pagkamatay sa NPA fighter ug ang pag-recruit sa 12-anyos nga minor de edad, resulta lamang sa walay pulos nga armadong pakigbisog.

Sa pagkakaron padayon ang pursuit operation sa militar batok sa mga miyembro sa New People’s Army nga nagpabilin sa kalihukan.

BNFM Cagayan de Oro