Ginkumpirma it Police Regional Office 6 (PRO-6) nga may kabieogan nga 32 ka mga kapulisan ro na-dismiss sa serbisyo ku 2021.
Tanan kara hay mga police non-commissioned officers (PNCO) nga may mga kaso nga administratibo.
Base sa rekord, nakabaton ro Regional Internal Affairs Service (RIAS) it PRO-6 it kabioegan nga 139 ka mga reklamo kuntra sa mga kapulisan it Western Visayas halin 2021 hasta Marso makarang dag-on.
Maliban sa 32 nga na-dismiss, an-um nga iban pa ro na-demote, 27 ro nasuspinde, daywa ro nagkaroon it forfeited salary, ag may ap-at ka na-reprimand.
Kaangut kara, nagpaandam si PRO6 Director Police Brigadier General Flynn Dongbo sa anang mga taetapan sa bieog nga rehiyon nga likawan ro paghimo it mga bayolasyon./JIL B. LACSON
