Nag-advise ro Department of Education (DepEd) regional office sa tanan nga mga eskwelahan sa Region 6 nga naapektuhan it Tropical Depression “Agaton” nga gamiton ro anuman nga resources agud mapadayon ro mga klase.
Base kay DepEd Western Visayas information officer Hernani Escullar Jr., nagahueat pa sanda it report halin sa andang division offices kung may matabo nga extension sa numero it adlaw it klase sa pagpanalasa it bagyo ku nagtaliwan nga dominggo.
Base sa inisyal nga report nga ginsumite it mga schools division offices sa Regional Disaster Risk Reduction Management Unit, nasamad ni TD Agaton ro 185 ka mga eskwelahan, 1,554 furniture, 602,725 learning references, 214 computer equipment ag 31 totally damaged nga eskwelahan ro kinahangean nga ipatindog uman sa Capiz, Iloilo, ag Aklan./JIL B. LACSON
