GIPA-EXPLAIN sa labaw sa Police Regional Office (PRO) 12 ang pipila ka hepe sa presinto sa General Santos City. Human nasuta sa suprisang pagbisita niini sa tulo ka presinto Huwebes sa gabii nga wala ang hepe sa presinto.
Kulang ang mga personahe nga naka-duty, wala sa tamang bihis ug nasuta nga dunay pulis nga nagbitbit og pusil nga wala naka-load.
Suprisang giduaw ni Tagum ang Lagao, Bula ug San Isidro Police Stations. Sa pamahayag ni PLt. Clarizel Perez, tigpamaba sa GenSan City Police Office (GSCPO) tumong sa pagbisita ni Tagum. Ang masuta ang kaandam sa kapulisan sa pagbantay sa seguridad sa lugar nga ginsakopan.
Samtang nag-monitor sa operasyon ang mga hepe sa maong mga presinto nga naatlang wala sa pagbisita ni Tagum.
Ang GenSan ang gikonsiderang business hub sa Soccsksargen region asa halos tanang economic activity ang nahitabo sa dakbayan. Hinungdan nga matud pa ni Tagum kanunay nga andam ang kapulisan sa dakbayan sa tanang posibleng mahitabo. ( Richel Gubalani)
