MOKABAT na sa kapin 9,000 ka mga katawhan sa GenSan ang naka-avail sa TUPAD kun Tulong Panghanapbuhay Para sa Ating Disadvantage Workers sa Department of Labor and Employment Office kun DOLE.
Kini ang gibutyag ni Conrado Artates labaw sa Department of Labor and Employment Office kun DOLE-GenSan nga ang maong programa ang nagpadayun hangtud karon.
Ang mga nakebenepisyo niini ang naggikan sa mga barangay nga motrabaho ug sweldohan og P336 sa walo ka oras nga trabaho.
Sa Lunes adunay pay out asa bayran ang mga nakatrabaho ilalom sa maong programa asa apil dinhi ang ubang nasunugan sa purok Saeg, Calumpang nga maka pay out.
Gawas sa TUPAD program nga mag-walo na ka batch ang ilang pagpanghatag sa maong benepisyo, nagpadayun usab ang starter kit program sa DOLE, asa ang benepisyaryo ang mahatagan og P30,000 nga balor sa ilang napili nga negosyo, asa sa Lunes may 32 na usab nga ilang ma-releasan sa maong hinabang.
Nanghinaut si Artates nga mulongtad pa hangtud sunod tuig ang maong programa tungod dakong tabang kini sa mga nawad-an og trabaho tungod sa pandemya. Samtang sa Lunes, manghatag usab og livelihood ang DOLE sa mga nasunugan sa purok Saeg, Calumpang, pinaagi ni Sen.Bong Go ug Brigada Elmer V.Catulpos.
