Madali lang ma aprobahan it Sangguniang Bayan it Kalibo ru 3 pasahero sa tricycle nga naga byahe sa banwa’t Kalibo.
Suno ka Kalibo SB Member Matt Aaron Guzman, naga tinguha imaw nga maka bulig sa mga drivers bilang elected officials nga dapat tindugan ru paghimo it responsibilidad.
Gina hueat pa nga ma aprobahan ru ordinansa bago maipatuman sa nasambit nga banwa.
Dugang pa ni Guzman, haeos kaabu-an sa mga drivers hay naga sugot sa nasambit nga tikang.
Samtang, nag pasugot man sigun ru Municipal Inter-Agency Task Force (MIATF)-Kalibo ru posibilidad nga implementasyon.
Nag-ayo ru SB Member nga kun ingkasong maipatuman eon hay kinahangean nga mag butang it plastic barrier sa tunga it likurang parte it tricycle.
Hinyo sa mga drivers ni Guzman nga kinahangean nga indi mag pinamati sa saea nga balita agud malikawan ru saea nga interpretasyon.//MARIVIC Y. ILIN
